Мақала цифрлық технологиялар мен әлеуметтік желілердің педагогикалық үрдісте атқаратын рөлін анықтап, заманауи баланы тәрбиелеу мен оқытудың әдістерін жаңарту жолдарын қарастыруға арналған, Z ұрпағының өкілдеріне салыстырмалы мінездеме берілген. Z ұрпағының өзіндік ерекшеліктерін ескере отырып оқу-тәрбие процесін ұйымдастыруға мүмкіндік беретін «Tik Tok» әлеуметтік желісінің мүмкіндіктері және артықшылықтары мен кемшіліктері көрсетілген. Бастауыш мектептің оқушыларына, ата-ана және мұғалімдерге арнап сауалнама құрастырылған. Жүргізілген сауалнама нәтижелері талданып, оқу-тәрбие процесінде «Tik Tok» желісінің мүмкіндіктерін тиімді пайдалану жолдары ұсынылған және цифрлық құрылғылар мен  әлеуметтік желілердің артықшылықтары мен кемшіліктері туралы сараптама кестесі жасалған. Z ұрпақты тәрбиелеуде  ата-аналарға көмек болатын әдебиеттерге сілтеме жасалған. Авторлар сандық құзыреттер мен ақпараттық мәдениетке қатысты мазмұнды қорытынды жасауға әрекет жасаған.