Мақалада қазіргі кезеңде мектеп жасына дейінгі балаларды сауаттылыққа үйрету мәселелері қарастырылады. Авторлар сауаттылыққа үйрету бірнеше бағытта жүргізілуі керек деген пікірді ұстанады: баланың ауызша сөйлеуін дамыту (фонемалық есту, дыбыстық талдауды меңгеру), психикалық процестерді дамыту (есте сақтау, ойлау, зейін), ұсақ моториканы дамыту. Осы бағыттардың мазмұны оқытудың сабақтастығы қағидатына негізделеді. Мектеп жасына дейінгі балалардың фонемалық есту қабілетін дамыту, дыбысты айтуды дамыту, дыбыстық талдауды дамыту, сондай-ақ лингвистикалық ұғымдармен жұмыс істеу мәселелері қарастырылады. Мектеп жасына дейінгі балалармен сауаттылық негіздері бойынша сабақтарда қолданылатын әдістемелік тәсілдерге мысалдар, сондай-ақ психикалық процестерді дамытуға арналған жаттығулар келтірілген. Мектеп жасына дейінгі балаларды сауаттылыққа үйрету процесінің бірқатар әдістемелік мәселелері анықталған сауалнама нәтижелері ұсынылған. Тәрбиешілерді дайындауға назар аударылды: ЖОО-да пәндерді оқу модульішілік және модульаралық байланысқа ие болуы керек, ал әдістемелік пәндерді оқу дуальді оқыту элементтерімен өтуі керек.