Мақалада  бүгінгі таңдағы  педагогикалық  дискурс  мәселелерінің қойылысы мен педагогикалық дискурс аясында танылатын  «мұғалімнің» лингвомәдени типажы қарастырылды. Педагогикалық дискурс кезіндегі сөйлеу актілері мен оның жүзеге асырылуы, өзіндік ерекшеліктері көрсетілді. Зерттеу мақаланың мақсаты – бүгінгі білім беру жүйесіндегі өзара тілдік қарым-қатынастың жүзеге асырылуы мен қоғамда өзіндік орны бар бүгінгі «мұғалімнің» кәсіби қасиеттерін атай отырып, лингвомәдени типажы арқылы жалпы қоғамдағы «мұғалімнің бейнесін» көрсету.  Мектеп дискурсы арқылы қоғамның белгілі бір мүшесі  оқушының тілдік санасын бақылау  мен оны белгілі бір оң ұстанымдарға  бағыттаудың қажеттілігі зерттеу тақырыбының маңыздылығын танытады.

Мақала  аясында мектептегі адресант (мұғалім) пен адресат (оқушы) арасындағы өзара  тілдік коммуникацияның орнығуы мен жүзеге асырылуындағы ерекшеліктер көрсетілді. Зерттеу  нәтижелері  ретінде мектеп оқушыларының тілдік санасындағы «мұғалім» сөзінің ассоциациялық қолданысына  бақылау жасалды. Сондай негіздемелер арқылы мектептің жүрегі  мұғалімдердің лингвомәдени типажы берілді.