Әл-Фараби – мұсылман Шығысындағы прогрессивті қоғамдық-философиялық ойлардың негізін қалаушылардың бірі, «Шығыс Аристотелі» деген атпен танымал, әлемге әйгілі ғалым. Ол өзінен кейін әлемдік ғылымның одан әрі дамуына зор ықпал еткен математика саласына да бай ғылыми мұра қалдырды. Оның математикалық еңбектерінің басым бөлігін салыстырмалы түрде белгілі фарабист, ислам Шығысының математика және педагогика тарихы саласы бойынша қазақстандық ғалымы Ауданбек Көбесов тапқан, терең зерттеген және оның көптеген еңбектерінде көрініс тапқан.

Мақалада А.Көбесовтың еңбектерінде ұсынылған ұлы ғалым Әбу Насыр әл-Фарабидің математикалық мұрасының зияткерлік мазмұны, оның дидактикалық әлеуеті ашылады. Оны мектептегі және жоғары педагогикалық информатика-математикалық білім беру жүйесіне енгізудің орындылығы негізделген. Оқуға ынталандыру және оны арттыру мақсатында GeoGebra интерактивті ортасын оқытуда қолданудың мүмкіндіктері, циркуль мен сызғыштың көмегімен құрылатын  жазықтықтағы және кеңістіктегі геометриялық есептерді шешудің алгоритмдерін, сондай-ақ, ғалымның математикалық еңбектерінде сипатталған тригонометриялық функциялар кестесін құрудың алгоритмдерін меңгерудің тиімділігі қарастырылады.

Түйін сөздер: Әл-Фарабидің геометриясы, есептің құрылуы, трисекция бұрышы, GeoGebra, әл-Фарабидің тригонометриясы, әл-Фарабидің музыка теориясы.