Мақала «Педагогика және психология» білім беру бағдарламасының пәндерін игеру барысында икемді немесе жұмсақ құзыреттіліктерді қалыптастыру мәселесіне арналған. 2020- шы жылғы Lock down  студенттерде Soft Skills дамыту мен қалыптастыру қажеттілігін айқын көрсетті, қандай да бір іс-әрекетке  тыйым салу жағдайында,  өнімділік пен бәсекеге қабілеттілікті жоғалтпай,  бейімделудің жолын табуға мүмкіндік берді. Осы күрделі мәселелердің  сәтті іске асуы толығымен түлектерде жұмсақ дағдыларды дамытумен белгіленген. Әлемдік тәжірибе аясында Soft Skills әртүрлі шетелдік басылымдарда айқын көрсетілген. Бұл жұмыста авторлар Абай атындағы Қазақ ұлттық университетінің базасында «Педагогика және психология» бакалавриатының ағымдағы білім беру бағдарламасына қысқаша аналитикалық шолу жасаған. Мақалада педагогикалық университет жағдайында жұмсақ дағдыларды қалыптастыру ерекшеліктері көрсетілген. Оқу процесінің мүмкіндіктері және Soft SkillS (жұмсақ дағдыларды) тиімді қалыптастырудың педагогикалық шарттары анықталған.