Бүкіл әлем пандемияға байланысты қашықтан қызмет етуге көшкен кезде, білім беру жүйесі де қалыс қалған жоқ. Қашықтықтан оқыту дәстүрлі оқытудан айтарлықтай ерекшеленеді, тәжірибе көрсеткендей, online-да, студенттер мен оқытушылар, оқуға кедергі келтіретін күрделі мәселелерге тап болды, ал кейбір
техникалық арнайы пәндерде білім деңгейі мен сапасы дәстүрлі оқытқаннан айтарлықтай төмендеді.
Қазақстан Республикасындағы ШҚТУ студенттері арасында арнайы пәндерді меңгеруіне талдау жүргізіп, мәліметтер саралау, зерттеу және сараптау арқылы жинақталды. Нәтижесінде барлығы 400-ге жуық студенттің техникалық пәндер бойынша үлгерімі сараланды. Талдаудың нәтижелері тағылымдамадан
өту кезінде Акдениз университеті «Қашықтықтан білім берудің қолданбалы және ғылыми орталығында (AKUZEM)» қарастырылып, талқыланып техникалық пәндерді аралас форматта оқытудың жоспары жасалынды. Мақалада алынған нәтижелер оқу мен оқытудың тиімділігін арттыру үшін қашықтықтан оқыту жүйесін әзірлеу кезінде техникалық пәндерді оқытуға қатыстымаңызды және пайдалы ақпараттар беріліп,
қандай жүйе қолдану тиімді екендігін көрсетілді. Жұмысымыз қашықтықтан оқыту технологияларын қабылдаудың кеңейтілген моделін қолдай отырып және басқа елдермен салыстырғанда мәдениеті, оқыту
стилі мен әлеуметтік ортадағы айырмашылықтарды ескере отырып, қашықтықтан оқыту контекстінде білім беруге өз үлесін қосады.