Заманауи білім беру жүйесін ақпараттық-коммуникациялық құралдарынсыз елестету мүмкін емес. Осының дәлелі қазіргі таңда елімізде пайдаланып жатқан қашықтықтан білім беру жүйесі. Сондықтан мақалада қашықтықтан білім беруде географиялық деректерді ақпараттық коммуникация технологиясын қолдана отырып оқытудың ерекшеліктеріне тоқталдық.

Жалпы білім беру саласында география пәнін оқытуда қолданылатын ақпараттық және коммуникациялық технологиялар оқыту тиімділігін арттырудың маңызды шартына айналған. АКТ-ны тәжірибе жүзінде енгізу үдерісі ретсіздік сипатқа ие, алайда, оған тән заңдылық та бар, бүгінде бүкіл әлемнің зерттеушілері соны анықтаумен және зерттеумен айналысып жатыр. Мақалада географияны тиімді оқытуда қажетті ақпараттық- коммуникациялық технология құралдарын қолданудың кейбір әдістері келтірілген. Герграфиялық деректер мен көріністерді компьютерлік технология көмегімен ұсыну оқу материалын қолжетімді және қызықты етеді, сонымен қатар оқушыларда практикалық және құрылымдық білімдерін қалыптастыруда өте қажет.