Мақалада білім беруді жаңарту жағдайында болашақ бастауыш сынып мұғалімінің кәсіби құзыреттілігін дамыту процесі қарастырылады. Зерттеу мақсаты: еліміздің ұлттық және аймақтық жоғары оқу орындарының мысалында болашақ бастауыш сынып мұғалімінің кәсіби құзыреттілігінің даму деңгейін теориялық негіздеу және анықтау. "Кәсіби құзыреттілік" түсінігі талданды, мұғалімнің кәсіби құзіреттілігінің құрылымы анықталды. Кәсіби дайындық саласындағы шетелдік зерттеулерді талдау негізінде болашақ бастауыш сынып мұғалімі үшін өзекті құзыреттер анықталды: инновациялық ойлау, цифрлық сауаттылық, жаһандық азаматтық, педагогикалық бағалаудағы құзыреттілік, нормативтік-құқықтық құзыреттілік, командалық жұмыс және көшбасшылық, өз-өзіне қамқорлық дағдылары және басқалар. Білім беруді жаңарту жағдайында болашақ бастауыш сынып мұғалімінің кәсіби құзіреттілігінің даму деңгейлері негізделген: интуитивті, репродуктивті, шығармашылық. Болашақ бастауыш сынып мұғалімінің кәсіби құзіреттілігі дамуының диагностика бағдарламасы ұсынылған. Диагностика нәтижелері аймақтық жоғары оқу орнында болашақ бастауыш сынып мұғалімінің кәсіби құзыреттілігінің даму деңгейінің төмендігін көрсетті, себептері талданды және кәсіби дайындық жағдайында болашақ бастауыш сынып мұғалімінің кәсіби құзыреттілігін дамыту бойынша ұсыныстар жасалды.