Мақалада білім беру саласында орын алып жатқан үрдістерге қысқаша талдау, соңғы жылдардағы білім алушылардың оқуы мен оқу жетістіктерін бағалау жүйесінде саралау тәсілін қолдану бойынша қазақстандық және шетелдік педагогтердің зерттеулеріне шолу жасалады. Қолданыстағы критериалды бағалау жүйесі жағдайында саралау тәсілін қолданудың мақсатқа сай екендігі көрсетіледі. Бағалау кезінде саралау тәсілін қолданудағы мұғалім рөлінің маңыздылығы айтылады. Жалпы білім беретін мектептердің математика пәні мұғалімдерінен алынған сауалнама нәтижелері келтіріледі. Сауалнама нәтижелеріне талдау жасау үшін «Пирсонның Хи-Квадрат критерийі» әдісі қолданылған. Жүргізілген зерттеу нәтижелері бойынша қорытынды жасалады.