Бұл мақалада бастауыш сыныптардағы математикалық білімнің қалыптасуы мен дамуының тарихи- философиялық негіздері ретіндегі мәдениеттанулық көзқарас қазіргі білімнің теориясы мен практикасының әдіснамалық амалдары жайлы мәселелер қарастырылады. Мақаланың авторлары көптеген жылдардан бері қордаланып қалған және әлемдік ғылыми әдебиет беттерінде талас туғызып келе жатқан этнематематика төңірегіндегі мәселені талқыға салады. Аталған мәселе бойынша жинақталған көзқарастары мен ойларын ортаға салып, оны шешу жолдары жайлы пікірлерін ұсынады. Оқырманды Қазақстан Республикасындағы бастауыш сыныптарда математиканы оқытуда ұзақ жылдар бойы жинақталған этнематематикалық компонентті қосу жайлы практикалық тәжірибесімен бөліседі. Зерттеудің маңыздылығы математикалық білімнің қажетті деңгейін және әлеуметтік-мәдени мәселелерді математика сабақтарында шешуге негізделгенінде болып табылады.