Сәбилердің дамуында сөйлеудің алғышарттары ерекше маңызды. Сөйлеуге дейінгі дамудың бұзылуын ерте диагностикалау түзету-дамыту көмегін уақтылы көрсету үшін қажет. Бұл мақаланың мақсаты – орталық жүйке жүйесінің дамуында ерекшеліктері бар балалардың превербальды кезеңінде жүргізілген тексеру және түзете-дамыту жұмысының нәтижелерін талдау. Осы мәселе бойынша әдебиеттерге шолу жасалды. Зерттеудің келесі әдістері қолданылды: анамнез мәліметтерін, клиникалық деректерді талдау; ата-аналарға сауалнама жүргізу; сөйлеу алғышарттарының даму коэффициенті; импрессивті және экспрессивті сөйлеу тілі алғышарттарының даму қарқынының арақатынасы; оральды праксистің скрининг-диагностикасы. Зерттеу нәтижелері бойынша имитациялық әрекеттің вербалды емес түрінің басым болуы, сондай-ақ орталық жүйке жүйесінің перинаталды зақымдануы бойынша қатер тобындағы сәбилердің оральды праксис дағдыларының нашар дамығандығы туралы қорытынды жасауға болады. Түзету-дамыту жұмыстары жүргізілді, содан кейін жоғарыда көрсетілген параметрлер қайта тексерілді. Барлық көрсеткіштердің оң динамикасы байқалды, бұл балаларды ерте дамытудың тиімділігін тағы да бір дәлелі болды.