Мақалада сабақтастық, педагогикалық сабақтастық ұғымдарына түсініктеме беріліп, сабақтастық принципін жүзеге асыру үшін қажетті негізгі қағидалар ұсынылған. Аталған принципті зерттеген педагогтардың еңбектеріне талдау жасалды. Сондай-ақ, білім беру үдерісінде сабақтастық принципінің негізгі бағыттары көрсетілді, оларға: алдыңғы өткен тақырыппен жаңа оқу материалының байланысы арқылы сабақтастықты жүзеге асыру; оқушыларда бар білім қорын кеңейту мен тереңдету арқылы сабақтастықты жүзеге асыру; өтілетін жаңа білімді жоғары деңгейде игеруде сабақтастықты жүзеге асыру, жаңа білімді меңгерте отырып оқушыларда бұрыннан бар білімді дамытуда, жетілдіруде сабақтастықты жүзеге асыру; оқу материалын қайталау барысында, яғни материалды қайта жаңғыртумен қатар оны салыстыру мен қарама-қарсы қою арқылы сабақтастықты жүзеге асыру жатады. Мақалада осы көрсетілген сабақтастық принципінің  негізгі бағыттарын жүзеге асыру жолдары баяндалды.