Мақалада мектеп оқушыларының функционалдық сауаттылығын дамыту әдістері баяндалған. Функционалдық сауаттылық ғылым мен экономикада, халық шаруашылығында, өмірдің барлық саласында адамға сыртқы ортамен қарым-қатынасқа түсуге және онымен жұмыс істеуге қажет. PISA мен TIMSS зерттеулерінде қазақстандық оқушылар пәндік білім бойынша нәтижелері жоғары болғанмен, оны нақты өмірдегі жағдайларда пайдалана білмейтіндігін көрсетеді. Бұл зерттеудің өзектілігі қазіргі заманғы білім берудің мақсаттары мен міндеттеріне байланысты: оқушылардың қоғам өміріне қатысуына мүмкіндік беретін функционалдық сауаттылықты қалыптастыру. Жұмыстың мақсаты: мектеп оқушыларының функционалдық сауаттылығын арттыру әдістерін көрсету. Мақалада Мақалада осы мәселенің өзектілігі негізделеді және бірнеше практикалық мазмұнды есептердің моделдеу арқылы, проблемалық әдіс арқылы шығару жолдары көрсетілген.