Аңдатпа. Мақалада оқытудың үш негізгі теориясы - конструктивизм, гуманистік педагогика, әлеуметтік-когнитивтік теорияларының негізгі идеялары зерделенеді. Олардың негізгі сипаттамалары мен ең танымал ағымдары сипатталады. Аталған теориялардың әрқайсысының білім беруді жақсарту аясында жұмсақ дағдыларды дамытуға ерекшеліктері мазмұндалған. Олардың әрқайсысы оқытудың өзіндік тәсілдерін ұсынуы аясында жұмсақ дағдыларды дамытуға әсері негізделген. Конструктивизм негізгі идеясы - білімді оқушыға дайын түрде беру мүмкін емес. Білім алушының білімін қажетті әрі жайлы педагогикалық орта қалыптастыру арқылы арттыру. Конструктивизмнің білім берудегі мәні - білім алушылардың бұрын меңгерілген білім мен тәжірибе, қалыптасқан әлеуметтік өзара әрекеттесу дағдылары аясында жаңа білімді дербес құруларымен айқындалады. Гуманистік педагогика білім беруді іске асыруда білім алушының тұлғасына бағдарлану мен оның жеке қызығушылықтары мен қабілеттері ескеру арқылы оқытуға басымдық береді. Психологияда, білім беруде және коммуникацияда қолданылатын әлеуметтік-когнитивті теория бойынша жеке тұлғаның психикалық өзін-өзі бақылауы, өзіндік тиімділігін қамтамасыз ететін когнитивті үдерістерге ерекше басымдық беріледі. Бұл теория адамның мінез-құлқына әлеуметтік өзара әрекеттесу, бөгделердің тәжірибесі, сондай-ақ бұқаралық ақпарат құралдары әсер етеді деген ұстанымға негізделген. Мақалада жоғарыда аталған теориялардың жұмсақ дағдыларды дамытуға әсері зерттелген. Сонымен қатар, нақты білім алушының жұмсақ дағдыларын дамытуға бағытталған білім беру міндеттерін шешуде осы теориялар аясында тиімді оқыту әдістерін іріктеудің маңыздылығы туралы қорытынды жасалған.