Мақалада «Экофизиология» элективті курсын оқытуға цифрлық білім беру ресурстары мен ғылыми-зерттеу қызметін интеграциялау тәжірибесі сипатталған. Зерттеудің мақсаты студенттердің ғылыми-зерттеу құзыреттіліктерін дамытуға бағытталған ғылыми тәжірибелерді, сондай-ақ «Экофизиология практикумы» оқулығындағы сілтемелерді қамтитын алдын ала дайындалған цифрлық оқыту форматтарын тексеру болды. Нәтижелер студенттердің ынтасының жоғарылағанын, зерттеушілік дағдыларының дамығанын және практикалық тапсырмаларды орындаудың жақсарғанын көрсетті. Цифрлық және ғылыми-зерттеу компоненттерін біріктіру оқу ынтасын арттыруға, аналитикалық дағдыларды дамытуға, студенттерде ғылыми ойлаудың негізін қалыптастыруға көмектесетіні анықталды. Бұл зерттеудің студенттері miro.com сайтында тақтада жұмыс жасап, фишбоун әдісін қолданып талдау жасады. Қазіргі уақытта Amaranthus тұқымдасына жататын өсімдіктердің әрқайсысының микробқа қарсы әрекетінің өзіндік профилі бар, бұл оларды фармакология, микробиология және биотехнология салаларында мақсатты түрде пайдалануға мүмкіндік береді. Г.Селье тұжырымдамасымен цифрлық визуализация нәтижелерді тереңірек көрсетуге және түсінуге көмектесті.  Ғылыми білім беруде цифрлық және зерттеу компоненттерін біріктірудің тиімділігі дәлелденді.