Осы мақалада бейне сабақ әдісі арқылы сабақтар әзірлеу және өткізу мәселелері талқыланды. Қашықтықтан оқыту кезеңінде бейнесабақтарды ұйымдастыру кезеңдері көрсетілген. Мақалада қарастырылып отырған бейне сабақтың өзін әртүрлі формада ұсынуға болатыны айтылған, мысалы, сабақтың негізгі түрлерінің арасында келесі үшеуін ажыратуға болады деп келтірілген. Яғни, жаңа материалды енгізу (түсіндіру) сабағы айтылған; білім, білік және дағдыларды бекіту сабағы берілген; білімді, білік пен дағдыны қорыту және бақылау сабағымен аяқталатыны ескерілген. Оқушылар материалды өздігінен қайталай алатындай және мұғалімнің жауабын күтпейтін етіп, әр тақырып бойынша шағын бейнеклиптер жасау үшін өзекті мәселелер көрсетілген. Бейнесабақ құрастыру үшін бірнеше бағдарламалар келтірілген. Олар: Сamtasia Studio, Macromedia Flash, Screen2exe, Jing, Werbineria, Wink. Барлық процесті үш кезеңге бөлуге болатыны көрсетілген: Camtasia Recorder-қа бейне оқулық жазу, Camtasia Studio редакторында өңдеу (кейінгі өңдеу), бейне файлға кодтау айтылған.