Бұл мақалада білім беру веб-сайты мұғалімнің оқу үдерісі кезінде пайдалана алатын дидактикалық құралы ретінде анықталады. Сондай-ақ ең танымал және сұранысқа ие білім беру веб-сайттарын ұсыну әрекеті жасалды. Олардың ішіндегі ең танымал үшеуіне талдау жасалды: Bilimland, TopIQ және Daryn.online бойынша талдау жүргізіліп, олардың жағымды жақтары мен кемшіліктері анықталды. Виртуалды білім беру платформалары, веб-сайттар, цифрлық ойындар электрондық құрылғы мен интернет байланысы бар кез келген жерде және уақытта пайдалануға болатын шексіз қосымша құралдарды ұсынады. Бұл синхронды және асинхронды өзара әрекеттесуге, оқушы-мұғалім мен оқушы-оқушы арасындағы тұрақты байланысқа мүмкіндік береді. Нәтижесінде сабақта тиімді бірлескен іс-әрекет қалыптасады. Осылайша, білім беру веб-сайттарын сабақ барысында міндетті дидактикалық құрал ретінде анықтаймыз.