Мақалада орыс тілі сабақтарында кіші мектеп жасындағы оқушының тілдік тұлғасын дамыту мәселелері қарастырылады. Бастауыш мектепте орыс тілін оқытудың коммуникативті мақсаты тіл туралы білім жүйесін қалыптастыруға және оның негізінде оқушылардың коммуникативті дағдыларын дамытуға бағытталған. Коммуникативті мақсаттың басымдығы оқытудың мазмұнын таңдауда дәстүрлі көзқарасты өзгертуге, орыс тілінің мектептік курсын тек тіл туралы білімді игеруге ғана емес, сонымен қатар оны әр түрлі өмірлік жағдайларда қолдану дағдыларын дамытуға бағыттауға мүмкіндік береді. Авторлардың пікірінше, тілдік тұлғаны дамытудың тиімді құралы сөйлеу қарым-қатынасындағы сөз бен мәтіннің рөлін түсінуге бағытталған жұмыс болуы керек. Бұл орайда сөз хабарламаны, сұрақты жеткізуге, сезімді білдіруге қабілетті бірлік ретінде, ал мәтін сипаттау, баяндау, пайымдау және дәлелдеу сияқты сөйлеу мәселелерін шешуге арналған тақырыптық өзара байланысты сөйлемдер ретінде танылуы керек.