Қазіргі уақытта жаңа цифрлық қоғам құру дәуіріне қадам басуымызға байланысты, компьютерлік жүйелер көп жағдайда адам қызметін жеңілдеткенімен, олардың алгоритмнен тыс ойлануына кері әсері байқалды. Ұсынылған мақалада ойдың икемділігі мен логикалық қабілеті бар, өзгерістерге тез бейімделене алатын, алдына қойған  мақсатына жете білетін жеке тұлғаны тәрбиелеу мақсатында мұғалімдердің физика пәнін жүргізуде нәтижелі жұмыс жасауына ықпалын тигізетін жаңа түрлі әдіс-тәсілдер іріктеліп, оларды тиімді қолдану туралы жазылды. Тәжірибе жүзінде Қонаев қаласындағы орта мектеп-гимназияда 11-сынып оқушыларын «Атомдық және кванттық физика» тарауын оқытуда жеті түрлі: «Сұрақты тап», «Проблемалық сұрақтар қою», «Венн диаграммасы», «STEM», «Вербалды теннис», «Шығыс базары», «Бұл не?» (Ударник) әдістері қарастырылып,  қолдану үдерісі сипатталды.  Сабақ барысы сыни ойлауға бағытталып, әрбір оқушы өзінің жаңа идеясын жүйелендіріп, өз ойын толыққанды жеткізе алуына байланысты бағаланды. Қолдану нәтижесінде оқушылардың танымдық қызығушылығын дамытудың негізгі факторы олардың білімі мен дағдыларының дәрежесі ғана емес, сонымен бірге маңызды психикалық қызметтерін, ақыл–ой жұмысының тәсілдері қалыптастыруға мүмкіндік беретін оқу процесін жолға қоюдың маңызды шарты анықталды.