Андатпа

Мақалада ғылыми-педагогикалық, психологиялық, арнайы, әдістемелік әдебиеттерді талдау негізінде «Инклюзия», «Инклюзивті білім беру», «Қолжетімді орта» ұғымдарының мәні айқындалған. Жоғары оқу орнында инклюзивті білім беруді енгізу жағдайында болашақ дене шынықтыру мұғалімдерін кәсіби даярлау мүмкіндіктеріне талдау жасалды. Сонымен қатар, болашақ дене шынықтыру пәнінің мұғалімдері педагогикалық тәжірибе үдерісінде әртүрлі патологиясы бар оқушылардың жас және психологиялық ерекшеліктерін, білім беру ортасының барлық субъектілерінің сындарлы педагогикалық өзара әрекеттесу механизмдерін қолданды. Ерекше білім беру қажеттіліктері бар балаларды әлеуметтік ортаға бейімдеу, өзін-өзі басқару арқылы мектеп өміріне «қосу», инклюзивті кеңістікке қатысушылар позициясынан рецептивті «толеранттылық» жағдайын қалыптастыру, кәсіптік бағдар беру жұмыстары қарастырылған. Эмпирикалық зерттеу нәтижелері бойынша болашақ мамандарға сауалнама жүргізілді. Алынған сауалнама деректері талдау әдісімен сипатталды, кестелер қолданылды.