Қазіргі таңда цифрлық технологияларды пайдалану білім берудің басым бағыттарының бірі болып табылады. Қазақстан Республикасының мемлекеттік білім беру стандартының жаңа талаптарына сәйкес инновациялық технологияларды енгізу ең алдымен білім сапасын арттыруға, оқушылардың жаңа білім алуға ынтасын арттыруға, білімді меңгеру үдерісін жеделдетуге бағытталған. Пандемия барысында дәстүрлі оқытудан қашықтықтан оқыту форматына күрт көшу   педагогикалық   практиканың   алдына   заманауи   ақпараттық-коммуникациялық технологияларды  енгізу  туралы  ғана  емес,  сонымен  қатар  оқытудың  жаңа  форматының параметрлерін өзгерту және құру туралы мәселе қойды. Мұның бәрі мақала тақырыбының өзектілігін және оның негізділігін анықтайды, өйткені ол мультимедиялық құралдарды барынша қолжетімді және тартымды, ойын түрінде пайдалануға, оқушылардың логикалық ойлауын дамытуға, оқу процесінің шығармашылық компонентін нығайтуға мүмкіндік береді.