Мақала тақырыбының өзектілігі этнопедагогика, аналитикалық психология (архетип теориясы), композиция және костюм дизайны арқылы қазақ киіміндегі рәміздеуге аксиологиялық талдау жасау қажеттілігінен туындады. Зерттеудің мақсаты – қазақ мәдениетінің рәміздерін аксиологиялық талдау негізінде қазақ киіміндегі ұлттық рухани құндылықтарды түсіндіру. Зерттеу әдістері – өнертану, педагогикалық, мәдениеттану, гносеологиялық, аксиологиялық, герменевтикалық, аналитикалық-психологиялық, семантикалық, сценографиялық, жобалық, көркемдік. Зерттеу құралдары – қазақ костюмінің композициясын оқытудың теориясы мен әдістемесі, костюм жобалауның теориясы мен тәжірибесі саласындағы пәнаралық. Зерттеудің нәтижелері ұлттық рухани құндылықтарды түсіндіру және қазақ киімінің композициясын оқыту әдістемесінің ғылыми-педагогикалық аспектілерін теориялық тұрғыдан негіздеу болып табылады. Теориялық және әдістемелік зерттеу негізінде мемлекеттік бағдарламалардың парадигмаларын ескере отырып, қазақ киімінің композициясын оқыту әдістемесін жаңғыртуға болады деген қорытындыға келді: Шығармашылық индустрияны дамытудың 2021-2025 жылдарға арналған тұжырымдамасы, «Тарихи-мәдени мұра объектілерін қорғау және пайдалану туралы» Заңы, 2019 ж.