Бұл мақалада бұқаралық спорттың маңызы, Қазақстан Республикасы мен Түркия Республикасындағы бұқаралық спортты қолдау жұмыстары мен Түркия Республикасы Бұқаралық спорт федерациясының мақсаты және жоғары оқу орны студенттерінің бұқаралық спорт шараларына қатысу көрсеткіштері жайында баяндалды.

Ғылыми зерттеу жұмысына Анкара қаласының Қажы Байрам Вели мен Анкара университетінен 230 студент және Алматы қаласының Әл-Фараби атындағы Қазақ ұлттық университеті мен Қазақ ұлттық аграрлық университетінен 230 студент қатысты. Аталмыш мақалаға жалпы саны 460 білім алушы қатыстырылды.

Ғылыми мақалада зерттеу жұмысына қатысушы студенттердің сауалнамадан алынған нәтижелері берілген. Жиналған мәліметтер SPSS бағдарламасында талданып, кестелер түрінде енгізіліп, талдау жасалынды.