Аталған мақалада студенттердің ЖОО-дағы тұтас педагогикалық үдерісінде психологиялық-педагогикалық бейімделуінің өзекті мәселелері қарастырылды. Соның ішінде студенттердің психологиялық-педагогикалық бейімделу процесін ұйымдастырудың шетелдік және отандық тәжірибесі талданды. Авторлардың пікірінше, жаңа әлеуметтік-мәдени кеңістікке кіру үдерісі, білім беру процесіне бейімделуі, тұлғаның жаңа қасиеттерін қалыптасуы, осының барлығы ЖОО-да оқыту кезеңінде психологиялық-педагогикалық қолдауды талап етеді. Яғни, мәдени трансмиссия – процесс ретінде талданады, сондықтан мәдениет алдыңғы ұрпақтан кейінгі ұрпаққа оқу арқылы беріледі. Сонымен бірге, бейімделу үрдісінің ерекшеліктері, оқыту процесінде оқытушы мен студенттің өзара әрекеттесуі қарастырылады. Авторлардың пікірінше, оралман студенттердің Қазақстандық ЖОО-ның білім беру процесіне бейімделуі мен кірігуі, жеке тәжірибе мен басқа мәдениетке кіру тәсілдері туралы ұғымдарға және әлеуметтік-мәдени, білім беру, сонымен қатар мәдениетаралық жағдайдың мазмұнын түсіну мен сезінуді қамтамасыз ететін педагогикалық ұйымдастырылған іс-әрекетке негізделген динамикалық жүйе болып табылады. Студенттердің ЖОО-дағы тұтас педагогикалық үдерісіне бейімделуі кешенді тәсіл тұжырымдамасы құруды қажет ететін күрделі және көп аспектілі процесс.