Бұл мақалада бастауыш сынып жасындағы балалардың мектепте оқу мотивациясының деңгейін анықтау мәселесі қарастырылады. Мотивация ұғымына түсінік беріліп, бастауыш сынып оқушыларының оқу мотивациясын зерттеген ғалымдардың пікірлері мен көзқарастары келтірілді. Мақалада мектеп тәжірибесінде мұғалімнің оқушы мотивациясын зерттейтін бірқатар әдіс-тәсілдер көрсетілді. Н.Г.Лусканованың «Мектепте оқу мотивациясының деңгейін бағалау» әдістемесінің негізінде сауалнама алынып, нәтижесі талданды. Анықталған деректерді негізге ала отырып, бастауыш сынып жасындағы балалардың оқу мотивациясын қалыптастырудың бірнеше аспектілері анықталды.