Мақалада тұлғаның кәсіби сәйкестілігін қалыптастыруды зерттеуге қатысты метакогнитивті тұғырдың алатын орны, мәні мен мазмұны қарастырылады. Ғылыми зерттеулердегі метакогнитивті тұғырды және метакогнитивті білімнің құрылымын қолданудың өзіндік маңызы негізделеді.  Метакогнитивті тұғыр метакогнитивті білімнің сенімділік критерийін анықтайды. Метакогнитивті тұғыр негізінде тұлғаның кәсіби сәйкестілігі феноменінің  түрлі ғылыми дискурстегі зерттелу деңгейіне мазмұндық талдау жүзеге асырылады. Философия, әлеуметтану, психология, когнитивті ғылымдар, педагогика салаларының  пәндік және  транспәндік шеңберінде кәсіби сәйкестілікті метакогнитивті тұғыр негізінде ұғынудың мәніне, жалпы сәйкестіліктің үздіксіздігі, динамикалығы, заманауи трансформациялық процестерге берілгендігі сипаттамаларына талдау беріледі. Ғаламдық жауаптылық пен іс-әрекетке есеп беруді талап ететін кеңістік пен персонализациялау жағдайында да кәсіби сәйкестілікті құрылымдауға серпінді қадам жасау қажеттілігі айқындалады.