Мақалада автор электронды құжат айналымын енгізу арқылы жоғары оқу орнында дәстүрлі құжат айналымы жүйесін трансформациялау тәжірибесімен бөліседі. Дәстүрлі форматтағы құжаттармен жұмыс істеуде құжаттардың жоғалуы, пайдаланылмаған құжаттардың көптеп жиналуы, сақтау орындарының болмауы, құпиялылық, дұрыс құжатты табудағы қиындықтар, құру мен үйлестірудегі кедергілер сияқты бірқатар мәселелер бар. Осы факторлардың барлығы қызметкерлердің жұмысына тікелей кері әсерін тигізіп, сол арқылы жұмыс көлемін арттырады. Университетте электронды құжат айналымын енгізу жоғарыда аталған мәселелерді шешуі әбден ықтимал. Университеттің жұмыс процесі жүйесін өзгерту басқарудың сапасы мен тиімділігін арттыруға, іс жүргізуді орталықтандыруға, қағаз айналымын жүргізуге кететін шығындарды азайтуға және университет қызметкерлерінің жұмыс уақытын үнемдеуге бағытталған.