Бұл мақалада көтеріліп отырған басты мәселе - онлайн білім берудің тиімділігі. Кіріспеде білім берушілер мен білім алушылардың арасындағы қашықтықтан өзара әрекеттесу режиміне көшудің алғышарттары қарастырылады. Негізгі бөлімде оқытушылардың онлайн білім беру саласындағы сауаттылығын арттыру бағытында Серікбаев ат. Шығыс Қазақстан техникалық университетінің әкімшілігі тарапынан жүргізілген іс -шаралар сипатталады. Open edX платформасының онлайн курстарының көмегімен, техникалық университетте тілдерді оқыту тәжірибесі баяндалады. Сонымен қатар, мақалада осы платформаның мүмкіндіктеріне талдау жасалған және өткен оқу жылында әзірленіп, оқу процесіне енгізілген курс сипатталған. Техникалық университетте тілдік пәндер аралас режимде сәтті беріліп келеді: Open edX платформасында құрылымдалып жинақталған материалдарды асинхронды түрде зерделеу және (Big Blue Button, Zoom, Google Meet) сәйкес платформалар арқылы өтетін әңгіме, конференция, семинар түрінде синхронды оқыту.