Мақалада интерактивті әдістердің түрлерінің ерекшелігі мен оларды география сабақтарында қолдану мүмкіндіктері қарастырылады. Әдістердің маңыздылығы және оқушы бойына қалыптастырушы дағдылары атап көрсетіледі.

Қазіргі уақытта Қазақстан Республикасы жас тәуелсіз мемлекет ретінде қоғам өмірінің барлық жақтарын қайта құру, өзінің даму жолдарын айқындау үстінде.  Соның ішінде мұғаімнің әлеуметтік рөлі арта түсуде.  Даму қажеттіліктерін есепке ала отырып, білім беру саласына қатысты талаптар мен сұрақтарды өздігінен шешуге мүмкіндік алды. Білім беру саласының маңызды міндеттерінің бірі оқытудың жаңа технологиясын ендіру, білім беруді ақпараттандыру, халықаралық коммуникациялық глобальды жүйеге шығу болып табылады. Уақыт пен қоғам талабын жоғары деңгейде қанағаттандыруға бағытталған жаңа оқыту инновациялық технологиясын іздестіру мен тәжірибеге ендіру кеңінен өріс алды.  Соңғы жыдары интерактивті технологиялардың түрлі идеялармен, ақпаратпен, танымдық жағынан сұранысқа ие болғанын уақыт көрсетті. Сондықтан мақалада педагогикалық іс-тәжіриебемде қолданыс тапқан, оқушыларға сабақ барысында қолданған оқытудың  интерактивті әдістеріне тоқталған. Қазіргі заманғы педагогикалық технологияларды меңгеруде интерактивті әдістемелерді сабақ барысында пайдаланудың сабақтың сапалы әрі қызықты өтуіне ықпалы үлкен екенін дәлелдейді.