Мақалада STEAM білім берудің негізгі идеялары қарастырылған: өнер арқылы қабілет пен икемділікке тәрбиелеу, сонымен қатар студенттердің шығармашылық қабілеттерін дамыту мен ғылым, технология, инженерия, өнер және математиканы біріктіре отырып, нақты әлем мәселелерін шеше білу. Шетелдік жоғары оқу орындарында STEAM білімі бойынша оқыту тәжірибесі зерделенді, онда студенттердің практикалық дағдыларын дамытуға, сонымен қатар пәнаралық курстар бойынша білімдерін біріктіруге баса назар аударылады. STEAM тәсілі студенттерді әрі қарай оқуға, инженерлік жобалауға және проблемаларды шешуге ынталандыруға ықпал етеді, ғылыми зерттеулер мен ашық оқытуға тартады. Шетелдік оқытудың үш негізгі моделі талданып, анықталды. Оқу үрдісінде қолданылатын әдістерді қамтитын осы зерттеу 2021-2023 жылдарға арналған "Білім және ғылым саласындағы зерттеулер" басымдығы бойынша бекітілген " STEAM білім беру арқылы инженерлерді инновациялық даярлау әлеуетін дамыту" жобасын іске асыру барысында жүзеге асырылды. Қазақстан Республикасы Білім және ғылым министрлігі Ғылым комитетінің қаржылай қолдауымен (№Ар09260338 Грант)