Болашақ маманның кәсіби қызметті сапалы жүзеге асыруы мен қажетті нәтижелерге қол жеткізуі кәсіби құзіреттерге тікелей байланысты. Сондықтан, кәсіби құзыреттерді қалыптастыру мәселелерін зерттеуге арналған теориялық еңбектердің маңызы зор. Осы орайда, аталған мақалада, жоғары оқу орындарындағы кәсіби құзыреттілік негіздері мен география білім беру бағдарламалары студенттерінің туристік-өлкетану құзыреттерін қалыптастыру мәселелері қарастырылады. Отандық және шет елдік ғалымдар еңбектері негізінде туристік-өлкетану құзыреттерін қалыптастырудың теориялық негіздері талқыланды. Сондай-ақ, білім беру бағдарламаларының реестріне тіркелген қазіргі географияның білім берудегі туристік-өлкетану құзыреттерін қалыптастыру мүмкіншілігі бағаланып, турисік-өлкетануда кездесетін мәселелерді оңтайлы шешуге ықпал ететін өзіндік білім мен жеке ұстанымды қамтамасыз ететін құзыреттер ұсынылды.