Елімізде өскелең ұрпақты жалпыадамзаттық құндылықтар мен өмірдің қарапайым ақиқаты негізінде, ұрпақтан ұрпаққа мирас болған ұлттық рухани-мәдени мұралар мен баға жетпес халық даналықтары үлгілерінде шығармашылық дамуы мәселесі қолға алынып отырғаны мәлім. Түркітілдес мәдениеттің көркемдік эстетикасы - қоршаған орта мен адамның ішкі үйлесімділік идеясы оның өнегелі өміріне оң әсер ететін рухани даму критерийі.

Дәстүрлі өнердін тәлімдік негізі, мәні мен мазмұны  тұлғаның шығармашылық дамуында маңызды құралдардың бірі болып табылады.  Оны жүйелі меңгеру мен сақтау, дамыту мен  өмір жағдайларында тиімді пайдалану жеке тұлғаның көзқарастарын қалыптастырады және жаһандану жағдайында өзіндік болмысын сақтап қалу мен шығармашылық дамытуға септігін тигізеді.

Осы жұмыстың көлеміндегі дәстүрлі өнерінің болашақ мамандардың  шығармашылық дамуындағы кейбір әдістемелік бағыттарының анықталуы;  дәстүрлі өнер мазмұнының жеке тұлға дамуындағы  тиімді әдіс-тәслдерінің  жүйеленуі оның теориялық маңыздылығын дәлелдейді.