Әлемде, соңғы жылдары CLIL технологиясы әртүрлі пәндерді оқыту құралы ретінде белсенді қолданылады, алайда химия және биология сабақтарында қолдануда   тапшылық бар. Бұл әдіс химиялық-биологиялық терминдер мен ұғымдарды зерттеуге мүмкіндік береді және коммуникативті қабілеттерді жақсартуға ықпал етеді. Сондықтан біздің жұмысымыздың мақсаты 7-8 сыныптарға арналған пәндік-тілдік интеграцияланған тәсіл негізінде химия және биология бойынша CLIL сабақтарын әзірлеу және сынақтан өткізу болды.

Тәжірибе Қарағанды қаласының №2 "Білім-Инновация" лицей-интернатында 1.03.2023-14.04.2023 мерзім аралығында өткізілді. 7-8 сынып оқушылары үшін Қозғалыс, Координация және реттеу, Адам денесі, Оксидтер, Иондық байланыс тақырыптары бойынша CLIL сабақтарын әзірледік. Бұл CLIL сабақтары химия және биология сабақтарында сәтті қолданылды, бұған дәлел, химия және биология бойынша эксперименттік топтағы білім сапасы артуы. Сонымен қатар, оқушылардің CLIL сабақтарына көзқарасын анықтау үшін эксперименттен кейін сауалнама жүргізілді. Біздің зерттеуіміз оқушылардің 75%-дан астамы CLIL сабақтарында жұмыс істеуден ләззат алатынын және бұл пәндер бойынша білімді меңгеруге оң әсер ететінін көрсетті.