Мақала лингвистикалық емес университет студенттерінің шет тілі кәсіби коммуникативтік құзыреттілігін (ШТККҚ) дамыту қажеттілігін және оны жүзеге асыру жолдарын зерттеуге бағытталған. Ғылыми жұмыстың мақсаты – химияны ағылшын тілінде оқыту пәнінің мазмұны аясында еркін коммуникациялық дағдыларды дамытудың тиімді әдістері мен тәсілдерін анықтау.

ШТККҚ қалыптастыру лингвистикалық және коммуникациялық қабілеттерді кеңейтеді, кәсіби салада шет тілінде еркін сөйлеуге ғана емес, сонымен қатар пәндік білімді де кеңейтуге мүмкіндік береді. ШТККҚ дамыту әдістемелері мен тәсілдерін талдағаннан кейін осы құзыреттердің құрамдас бөліктері анықталып, С.С. Құнанбаеваның моделдеуі қарастырылып, соның негізінде жаттығулар жинағы дайындалды. Сабақты ұйымдастыруда қолданылған жаттығулар жинағының тиімділігін анықтау үшін диагностикалық бақылау және тексеру жүргізілді. Қорытынды емтихан студенттердің кәсіби қарым-қатынас дағдыларын жетілдіргенін, сөздік қорларының молайғанын, тіл байлығын одан әрі дамытуға ынталандырылғанын анықтады. Ғылыми зерттеулердің нәтижелері осы салада зерттеу жүргізіп жатқан жас ғалымдар, оқытушылар мен студенттер үшін пайдалы.