Мақалада білім беруді цифрландыру жағдайында үздіксіз білім берудің педагогикалық мүмкіндіктері және жоғары оқу орнында part-time оқуды ұйымдастыру қарастырылған. Ол «өмір бойы оқыту», «қашықтан оқыту» және «part-time оқыту» ұғымдарының логикалық байланысын қарастырады.

Кәсіптік білім беруде part-time оқудың ерекшеліктері full-time оқумен салыстыра талданады. Қашықтан оқыту және part-time оқыту мүмкіндіктері талданады. Сонымен қатар, жоғары оқу орындарында цифрлық технологияны пайдалана отырып, part-time оқудың педагогикалық шарттары тұжырымдалады.

Зерттеу студенттердің жұмыстан қол үзбей кәсіби білімін жетілдіруін немесе академиялық дәреже алуын қамтиды. Үздіксіз білім беру жағдайында part-time оқытуды қашықтан оқыту технологиясы, ашық онлайн курстар, онлайн байланыс негізінде жүзеге асыруға болады деген қорытынды жасалды.