Бүгінгі таңдағы білім берудегі жаһандану жағдайында ЖОО-да болашақ мамандар даярлау үрдісінде ең тиімді тұғырлардың бірі көптілді оқыту болып табылады. Аталмыш тұғырды жүзеге асыру үшін көптілді оқыту аспектісінде ЖОО оқытушыларының құзыреттілік ауқымын анықтау қажет; пәндік-тілдік интеграцияланған оқытуға ЖОО оқытушыларының қызығушылығын және мотивациясын қалыптастыру; көптілді білім беру тұрғысында ЖОО оқытушысының оқыту мазмұнын құру қағидаларын анықтау; ЖОО оқытушылары үшін

«Полилингвалды тұғыр негізінде болашақ мұғалімдердің кәсіби құзыреттілігін қалыптастыру» тақырыбында арнайы семинар ұйымдастыру. Арнайы семинардың мақсаты – құзыреттілік және көптілділік тұғырлар бойын- ша оқытушылардың дайындық деңгейін арттыру болып табылады. Дәрістер және семинар курстары 36 сағат аудиториялық сабаққа есептелген және келесі міндеттермен анықталады: пәндік-тілдік интеграцияланған оқыту технологиялары мен әдістемесін, модельдерді қолдану дағдысын және білім, біліктерін қалыптастыру; оқытушылардың қызығушылығын және шығармашылығын дамыту; пәндік-тілдік интеграцияланған оқыту технологиялары мен әдістерін пайдалануға дайындығын қалыптастыру; полингвалды тұғыр негізінде болашақ мұғалімдердің кәсіби құзыреттілігін қалыптастыру үдерісін жоспарлау және ұйымдастыру қабілетін дамыту; полингвалды тұғыр негізінде болашақ мұғалімдердің кәсіби құзыреттілігін қалыптастырудың нәтижелілігін диагностикалау, талдау және бағалау біліктерін дамыту.