Бұл мақалада шағын жинақталған мектеп жағдайында бастауыш сынып оқушыларының шығармашылық белсенділігін дамыту мәселесі қарастырылады. Бүгінгі уақытта шағын жинақталған мектеп жағдайында оқушылардың шығармашылық белсенділігін дамыту – білім беру жүйесінің өзекті міндеті. Осыған орай, қазіргі таңда стандартты емес шешімдер қабылдауға қабілетті, креативті ойлай алатын адамдар қажет. Шығармашылық белсенділік педагогикалық категория ретінде анықталады: тұлғаның динамикалық интегративті сапасы; шығармашылық сипатқа ие ерекше қызмет түрі; тұлғаның мотивациялық, интеллектуалдық, эмоционалдық, ерікті салаларын дамытуды қамтитын үрдіс ретінде; мінез-құлық сипаттамасы ретінде айқындалады. «Шығармашылық белсенділік» ұғымын іс-әрекет, ойлау және қабілет ұғымдарының өзара байланыстылығының мәні мен мазмұны сипатталады.