Бұл мақалада ұлттық ерекшеліктер ұғымының мәні ғылыми тұрғыда негізделіп, анықтамасы нақтыланды. Шет ел және отандық зерттеушілердің еңбектеріндегі ұлттық ерекшеліктер ұғымына талдау жасалып, қорытынды келтірілді. Информатика курсындағы «Алгоритмдеу және программалау» бөлімін оқытуда ұлттық ерекшеліктер алатын орны баяндалған. Ұлттық ерекшелікті сипаттамасы қарастырылды. Оқу - тәрбие үдерісінде ұлттық ерекшелікті ескеру бір жағынан нәтиже ретінде, екінші жағынан мақсатқа жету құралы ретінде әрекет етеді. Ұлттық ерекшелік мектептің өмірмен байланысы, теорияның практикамен бай- ланысы арқылы мазмұнын нақтылайтыны жайлы айтылған. Сондай-ақ оқытудың мазмұндық жақтарын іске асыру арқылы оқушылардың қызметін ұйымдастыру кезінде педагогикалық жүйенің барлық компоненттерін саралауға және дараландыруға бағыттайды. Ұлттық қажеттіліктерді және халықтардың ерекшеліктерін есепке алу мәселесі мектептерде білім беру жүйесін жетілдірудің маңызды аспектісі ретінде көрсетіледі.