Математикалық анализ – мектепте, сондай-ақ университетте оқытылатын жоғары математика курсының күрделі тақырыптарының бірі. Сондықтан оқытуда сабақтастықты қолдану – мектептен жоғары оқу орнына аяқ басқан студенттердің бағдарламаны табысты меңгеруінің шарты.

Мақала авторлары болашақ математика пәні мұғалімдерін дифференциалдық және интегралдық есептеулер тақырыбын мектеп оқушыларына оқыту үшін даярлауда инновациялық формалар мен әдістерді қолдану мәселелерін зерттейді. Бұл орта және жоғары білім сатылары арасындағы оқытудың сабақтастығымен тығыз байланысты. Мақалада дифференциалдық және интегралдық есептеулер тақырыбын оқыту, мектеп пен жоғары оқу орынында математиканы оқытудағы сабақтастық мәселелері бойынша соңғы жылдардағы әдебиеттерге қысқаша шолу жасалады. Мектептегі алгерба және анализ бастамалары курсы мен «Математикалық анализ және интегралдық есептеулерге кіріспе» модуліне кіретін жоғары оқу орындарының пәндерін (М. Әуезов ат. ОҚУ мысалында) мазмұндық салыстыру ұсынылады.