Оқытушылардың кәсіби қызметінде қоғам мен университетке қызмет аспектісін зерттеудің теориялық және практикалық маңыздылығына қарамастан, бұл бағыт ғылыми және оқытушылық аспектілермен салыстырғанда аз зерттелген болып қала береді. Сонымен қатар, қызмет аспектісін зерттеу 1) оқытушылар өз мамандығын қоғаммен байланыстыратын бағыттарды айқындауға; 2) оқытушылардың академиялық шеңберде де, одан тыс салаларда де білімі мен тәжірибесін қолдану тәсілдерін зерделеуге мүмкіндік береді; 3) академиялық сала мамандары мен қоғамдық және коммерциялық ұйымдар арасындағы ынтымақтастық жолдары мен тәсілдерін анықтау.

Бұл зерттеудің мақсаты екі университеттің оқытушылары: Малай университеті (Малайзия) және Назарбаев Университеті (Қазақстан) ішкі қоғамдық қызмет пен сыртқы қоғамдық қызметті қалай түсінетінін зерттеу болып табылады. Деректер екі университеттің 18 оқытушысымен жартылай құрылымдалған терең сұхбат жүргізу арқылы жиналды. Зерттеуге қатысушылардың барлығы анонимділікті сақтау шартымен деректерді жинауға және талдауға келісім берді.

Зерттеу нәтижелерінде оқытушылардың қызметтік іс-әрекетінің түрлері, ішкі қоғамдық қызмет пен сыртқы қоғамдық қызметті орындауға келтірілітен негізгі кедергілер келтірілген, сондай-ақ қызметтік әрекетшілікке жұмылдырылған оқытушылардың уәждерін айқындайды. Алынған нәтижелер тек университет әкімшілігін ғана емес, сонымен қатар қоғамдық және коммерциялық ұйымдарды да хабардар ете алады, және де осы тақырып бойынша әр түрлі контексттердің салыстырмалы элементі бар зерттеулерге үлес қосады.