Абай атындағы Қазақ Ұлттық педагогикалық университетінің зерттеуші-профессорлары мен постдокторанттарынан құралған жобалық топ ЖОО профессорлық-оқытушылық құрамының ғылыми қызметінің ахуалы мен даму перспективаларын анықтау мақсатында пилоттық әлеуметтік зерттеу жүргізді. 2021 жылғы 27 қыркүйек пен 2 қазан аралығында Абай атындағы ҚазҰПУ-да профессорлық-оқытушылық құрам арасында жүргізілген сауалнама нәтижесінде ғылымының кадрлық әлеуеті, ғылыми-зерттеу жобаларының сапасы мен саны және Scopus/WoS базаларындағы ғылыми жарияланымдар аспектілерінде университеттегі ғылыми зерттеулердің негізгі артықшылықтары мен басты проблемалық жақтары анықталды. Зерттеу тобы алған қорытындылар мен мәліметтер зерттеу белсенділігін арттыру үшін бірқатар іс-шараларды, сондай-ақ жоғары оқу орнының салалық ерекшелігіне негізделген арнайы шараларды ұсынуға мүмкіндік берді. Бұл мақалада ЖОО-ның кадр әлеуетінің сапасына қатысты зерттеудің бірінші бөлігі ұсынылған.