Оқу үдерісі өздігінен білім алу үдерісіне айналып бара жатыр, оқушы көп жағдайда білім беру траек- ториясын өзі таңдайды. Дербес танымдық әрекеті табысты болу үшін оқушы белгілі бір жалпыпәндік дағдыларды меңгеруі керек, олардың бірі қосымша анықтамалық әдебиеттермен жұмыс жасау білігі бо- лып табылады. Бұл мақала бастауыш сынып оқушыларында сөздіктерді пайдалану білігін қалыптастыруға арналған. Өзгерген жағдайда бастауыш мектептің алдында оқушылардың әр түрлі сөздіктермен жұмыс жасау дағдыларын дамыту міндеті тұр: баспа және электрондық тасымалдағышта, бір тілді және екі тілді сөздіктер. Мұның маңызды факторы – дұрыс ұйымдастырылған оқу ортасы. Бастауыш мектепте жаңа ақпаратты игеруде сөздіктерді қолданудың педагогикалық шарттарын анықтау оқушының өз бетінше жұмыс жасау дағдыларын қалыптастыруға және тұтастай өзіндік дамуына ықпал етеді.