Қазіргі уақытта ағылшын тілін оқытуда пікірталас әдісін қолданудың тиімділігі айқын. Тіл – қарым- қатынас құралы болғандықтан, қарым-қатынас құзыреттіліктің дамуына пікірталас ықпал етеді, ол әр түрлі саладағы маманның сәтті жұмысында маңызды рөл атқарады. Бұл мақалада қарым-қатынас қызмет түрлерінің бірі ретінде пікірталас әдісіне назар аударылған. Пікірталас әдісі білім алушылардың тілдік білімдерін құрылымдық (немесе аз құрылымдалған) жағдайда немесе тіл үйрену аясында функционалды құзыреттілік ретінде қолдануға мүмкіндік беретін және де қарым-қатынас дағдыларын жетілдіруде пайдалынады.

Бұл мақаланың мақсаты – пікірталас әдісін шет тілі ретінде ағылшын тілін оқыту кезінде қарым-қатынас құзыреттілігіне үйретудің нәтижелі стратегиясы ретінде сипаттау болып табылады. Берілген жұмыс «Отандық білім беруді модернизациялау жағдайында көптілді ІТ маманының құзіретті инновациялық моделін әзірлеу және енгізу» атты гранттық жоба аясында жүзеге асырылып жатыр.