Мақалада сәндік-қолданбалы өнердің түрі кестелеудегі экодизайннің генезисі, кесте тігу өнерінің шығу тарихы мен түрлері қарастырылады. Авторлар «адам-табиғат» жүйесіндегі жаңа өзара әрекеттестікті қалыптастыруға және оны қабылдауға ықпал ететін дизайнның заманауи бағыттарының бірі - «экодизайн» мәселесін зерделейді. Экодизайн өнімнің эргономикасы мен эстетикасына назар аудара отырып, оны өндірудің, тұтынудың және кәдеге жаратудың экологиялық компонентін ескеруді талап етеді. Қазақ қолөнері өзінің төлтума қасиетімен, көркемдік мағынасымен сипатталатын халқымыздың ғасырлар талғамынан өткен асыл қазынасы. Соның бірі - кестелеу өнері, оны жалғалтпай үйреніп, ары қарай дамыту негізгі міндеттің біріне саналады.  Бүгінгі таңда кесте тек қолөнер ғана емес, сонымен қатар шығармашылық қабілеттерін жетілдіруге көмектесетін жоғары өнер. Дизайн да, сәндік-қолданбалы өнер де басқа өнер түрлерімен қатар дамып, жеке тұлға экологиясына әсерін тигізіп, адамдардың қажеттіліктерін қанағаттандырып отырды.