Авторларға арналған нұсқаулық

Мақалалар «Педагогика және психология» журналының веб-сайты арқылы (https://journal-pedpsy.kaznpu.kz/index.php/ped) электронды форматта ағылшын тілінде ұсынылады. Файл атауында автордың тегі көрсетіледі (бірлескен авторлар болса - бірінші автордың тегі). Бұл үшін сайтта тіркелу қажет (*https://journal-pedpsy.kaznpu.kz/index.php/ped/user/register?source*=) немесе "кіру" түймесі арқылы қолданыстағы аккаунтқа кіру керек. Бір автор (соның ішінде бірлескен автор ретінде) жылына екі реттен артық мақала бере алмайды. Мақалаларды автор келесі форматтарда жүктейді:

MS Word – толық мақала;
MS Word автордың, бірлескен авторлардың аты-жөнін көрсетпей – рецензиялау үшін;
PDF – антиплагиат жүйесі үшін.

Мақаланың ҮЛГІСІН мына сілтеме арқылы жүктеп алуға болады:

Қаріп – Times New Roman, қаріп өлшемі – 12, туралау – мәтін ені бойынша, интервал – бір, абзац – 1 см, жиектері: жоғарғы және төменгі – 2 см, сол жақ – 3 см, оң жақ – 1 см. Кестелер, диаграммалар және суреттер өңделетін форматта ұсынылады. Кестелер мен суреттердің саны ұсынылған мақаланың жалпы көлемінің 20%-ынан аспауы керек. Қаріп – Times New Roman, қаріп өлшемі – 10. Кестелер мен суреттерді рәсімдеуді мақала үлгісінен қараңыз.

МАҚАЛАЛАРДЫ РӘСІМДЕУ ТАЛАПТАРЫ

ҒТАМР (ғылыми-техникалық ақпараттың мемлекетаралық рубрикаторы), код 14: ХАЛЫҚ АҒАРТУ. ПЕДАГОГИКА

Авторлардың аты-жөні, жұмыс (оқу) орны, қаласы, елі ортада (кіші әріптермен курсивпен); (Корреспондент автор * белгісімен белгіленуі керек)

Мақала атауы (7-12 сөз), бас әріптермен, ортада

Аннотация кемінде 100 және 300 сөзден аспауы керек

Кілт сөздер/сөз тіркестері (5-7 сөз)

Кіріспе (тақырыптың негіздемесі, зерттеудің мақсаты мен гипотезасы (зерттеу сұрағы))

Материалдар мен әдістер (зерттеу дизайны, деректерді жинау және талдау әдістері)

Нәтижелер (зерттеудің негізгі нәтижелері, оларды түсіндірмей)

Талқылау (нәтижелерді түсіндіру, олардың маңыздылығын талқылау, зерттеу шектеулері және болашақ зерттеулердің мүмкін бағыттары)

Қорытынды (зерттеу нәтижелерін қорыту)

Пайдаланылған дереккөздер тізімі APA 7 Style стандартына сәйкес рәсімделеді (http://www.apastyle.org/ әліпби ретімен. Әдебиеттер тізімі кемінде 15 және 40-тан аспайтын дереккөзден тұруы керек, оның 50%-дан астамы – соңғы 3-5 жылдағы дереккөздер, соның ішінде Scopus (процентиль кемінде 75) және Web of Science (кемінде 1 және 2 квартиль – Q1-Q2) дерекқорынан кемінде 2 дереккөз.

Әдебиеттер тізімінде кириллицада ұсынылған жұмыстар болған жағдайда, романдандырылған әдебиеттер тізімін жасау қажет (транслитерация үшін http://www.translit.ruпайдалану). Мақала көлемі (ҒТАМР - ғылыми-техникалық ақпарат мемлекетаралық рубрикаторы, атауы, авторлар туралы мәліметтер, аңдатпа және кілт сөздерді есептемегенде) кемінде 2100 және 5000 сөзден аспауы керек.