Резенциялау тәртібі

Рецензиялаудың түрі

«Педагогика және психология» журналына түсетін барлық мақалалар қос соқыр рецензиялаудан өтеді. Рецензиялауға мақалаларға қойылатын талаптарға қатаң сәйкес ресімделген және плагиатқа қарсы жүйеде (70% шекті деңгей) немесе өзге лицензиялық бағдарламада тексеруден өткен ғылыми мақалалар жіберіледі.

Рецензенттер – Абай атындағы ҚазҰПУ (ішкі рецензенттер) және ҚР, жақын және алыс шетелдердің басқа да жоғары оқу орындарының (сыртқы рецензенттер) ғалымдары қатарынан редакциялық кеңес пен алқаның құрамына кірмейтін рецензияланатын мақаланың тақырыбы бойынша жарияланымдары бар ғалымдар. Рецензенттер редакциялық кеңестің шешімі бойынша журналдың онлайн-жүйесінде тіркелген рецензенттер базасынан тағайындалады.

Рецензиялау тәртібі

Автор журналдың веб-сайтына OJS (Open Journal System) жүйесі арқылы өз мақаласын жүктейді.
Редактор мақаланы журнал бағыттарына, мақалаға қойылатын талаптарға сәйкестігін тексереді, плагиатқа қарсы тексереді.
Редактор автордың қабылданған мақаласына рецензенттерді тағайындайды.
Рецензент өзіне жіберілген мақаланы ojs онлайн-рецензиялау жүйесінде белгіленген мерзімде қарайды, рецензиялаудың ең ұзақ мерзімі - 2 апта. Бұл кезеңде ол рецензиялауға арналған үлгіні пайдаланады.
Рецензент журналдың редакциялық кеңестің қарауына мынадай шешімдердің бірін шығарады:

- жариялауға қабылдау;
- шартты түрде қабылдау (пысықтауға жіберу);
- қабылдамау.

Ішкі және сыртқы рецензенттердің шешімдері негізінде журналдың редакциялық кеңесі мынадай шешімдердің бірін қабылдайды:

- екі оң пікір болған жағдайда мақала журнал нөмірлерінің бірінде жарияланады;
- рецензенттер келіспеген жағдайда мақаланы жариялау туралы түпкілікті шешімді редакциялық кеңес қабылдайды;
- елеулі ескертулер болған жағдайда, мақала 1 айға дейінгі мерзімде ескертулерді жою үшін авторға қайтарылады, пысықталған нұсқа қайта рецензиялауға жіберіледі, ал қайта теріс рецензия алған мақала қабылданбайды және одан әрі қарауға жатпайды.

Ескерту: редакциялық кеңес жұмыс процесінің кез келген кезеңінде мақаланы қабылдамауға құқылы. Ондай шешім туралы авторға журналдың онлайн-жүйесінде (OJS) тиісті хабарлама жіберіледі.

Рецензиялау талаптары

Рецензия ғылыми мақаланың:

- объективті бағалануын;
- мазмұнының журналдың тақырыптық бағыттарына сәйкестігін жан-жақты талдауды;
- тақырыпқа мазмұнның сәйкестігін;
- аннотация мен түйінді сөздердің сапасын;
- зерттеу нәтижелерінің жаңалығы мен практикалық маңыздылығын;
- қазақстандық және шетелдік библиографиялық дереккөздерге сілтемелердің болуын қамтуға тиіс.

Сондай-ақ, ғылыми материалдың нақтылығы, грамматикалық, пунктуациялық және логикалық қателіктердің болуы бағаланады.

Құпиялылық

Рецензенттер қарауға ұсынылған материалдар мен жарияланбаған деректерді автордың(лардың) жазбаша келісімінсіз жеке зерттеулерде пайдалана алмайды. Шолу нәтижелері құпия болып табылады. Рецензенттер мүдделер қақтығысы болған жағдайда мақаланы қарауға жіберілмейді.